សិទ្ធិបញ្ចាំ

បទពាក្យ ៨

អាកាសធាតុត្រជាក់ក្តៅរងា
ប្តូរវេលាប្រួលប្រែតាមរដូវ
ចិត្តមនុស្សប្រែប្រួលថាមិនត្រូវ
ញាតិឥឡូវផ្លាស់ប្តូរចិត្តមិនទៀង។

ប្រតិព័ទ្ធចង់ចាប់ភ្ជាប់ស្នេហា
រូបជីវ៉ាចាំចិត្តជាប់កុំល្អៀង
ស្មោះភក្តីសុចរិតកុំវេរវៀង
មើលកុំដៀងសម្លឹង ភក្រ្តឱ្យចំ។

ជាភស្តុតាងតំណាងទំនុកចិត្ត
ស្ម័គ្រកៀកកិតស្នេហ៍ស្និទ្ធហត្ថប្រណម
ពាក់ចិញ្ចៀនប្រទានមិនបង្ខំ
តាមក្រឹត្យក្រមទំនៀមលោកមេបា ។

តទៅមុខពៅបងមិនបែកបែរ
ចាំឆ្នាំខែវេលាយើងរៀបការ
បងប្អូនញាតិសន្តានបាចផ្កាស្លា
សាងវាសនាជីវិតពិតសុខសាន្ត។

យ៉ាងណាមិញវត្ថុដាក់បញ្ចាំ
ថ្ងៃខែឆ្នាំព្រមព្រៀងកកើតបាន
តាមសន្យាឆន្ទៈសុខសាន្តត្រាណ
គ្មានរំខានឆបោកភាន់ច្រឡំ។

វិការៈទាំងឡាយមិនត្រូវមាន
មករុករានទន្រ្ទានចូលសណ្តំ
ប្រើហិង្សាគម្រាមចាប់វាយដំ
ភ័យក្រៀមក្រំខ្លបខ្លាចអំណាចសក្តិ។

ការបញ្ចាំបង្កើតអានុភាព
ច្បាប់រាប់រៀបប្រគល់វត្ថុដាក់
នៅក្នុងដៃកាន់កាប់ដោយម្ចាស់ប្រាក់
ដែលស្មោះស្ម័គ្ររក្សាឱ្យគង់វង្ស។

ម្ចាស់បំណុលអាចយកដីបញ្ចាំ
ដាក់ដុះដាំដំណាំជួយទ្រទ្រង់
ប្រមូលផលផ្លែផ្កាកើនរឿងរុង
គ្រប់ជ្រោយជ្រុងចំរើនអភិវឌ្ឍ។

ទ្រព្យបញ្ចាំអាចដាក់ជាបន្ត
តតំណអ្នកផ្សេងមិនហាមឃាត់
ច្បាប់បញ្ញត្តផ្តល់សិទ្ធិជាប់ពាក់ព័ទ្ធ
ធ្វើទូទាត់ប្រកបកិច្ចជំនួញ។

5506ab76-3fc0-4af5-9b08-492c82060b92 (1) www.everyday.com.kh

ប្រភពរូបភាពៈ http://www.everyday.com.kh

About Chin Vannara

ប្លក់នេះរៀបចំឡើង សម្រាប់ការសិក្សា ស្រាវជ្រាវ ជាផលប្រយោជន៍ដល់និស្សិត និង អ្នកស្រាវជ្រាវទាំងឡាយ​។

Posted on ខែ​កុម្ភៈ 16, 2015, in កំណាព្យ. Bookmark the permalink. Comments Off on សិទ្ធិបញ្ចាំ.

ការ​បញ្ចេញ​មតិ​ត្រូវបានបិទ។

%d bloggers like this: